solo ascolto

con il testo

Me trovo de sera in piaza Unità
el cuor me se slarga, xe tuto impizà!
Intorno me vardo …qua xe poca gente,
parona me sento de questo piazal,
parona me sento de questo piazal.
Statue, lampioni sembra far festa, 
bifore, trifore sembra parlar;
la bora, la sufia legera la disi:
     Ma no' te vedi che bel che xe qua? 
     Lo vedo, lo vedo che bel che xe qua!
E intanto…
Camino per la piaza che la se ciama Grande
e grande mi la sento qua dentro nel mio cuor…
la ga cambiado tanto, la ga cambiado el luc
la ga cambiado anche la pavimentazion…
Xe più fanai che lusi, che fa brilar el cuor
e le lucete azure de un scrigno xe 'l tesor.
La fonte gorgolia sui sui continenti,
el mar là di fronte me manda el suo odor…
la bora che zoga me trova de voia;
'na mula me sento, mi voio sognar,
'na mula me sento, mi voio sognar
a Trieste, in 'sta piaza, davanti 'sto mar…
fin Micheze e Jacheze, i taca sonar!
In testa me romba dei mori i rintochi
che gioia sentirli, i me vol saludar, 
che gioia sentirli, i me vol saludar!
A casa ritorno felice…contenta,
'ste robe me porto qua dentro nel cuor,
'ste robe me porto qua dentro nel cuor!
E ogni volta che torno là…
 
Camino per la piaza ,che la se ciama Grande
e grande mi la sento qua dentro nel mio cuor…
la ga cambiado tanto, la ga cambiado 'l luc,
la ga cambiado anche la pavimentazion.
Xe più fanai che lusi, che fa brilar el cuor,
te voio ben Trieste, per mi te son 'n tesor!