Mi no volessi andar via de qua
xe tropo bela ‘sta mia cità,
no, no volessi andar via de qua
za ‘l pensier me fa star mal.
Varda che roba che xe ‘sto mar
qua xe un incanto che fa sognar.
Per mi ‘sto golfo el porta amor
per mi le onde le parla al cuor.
Varda i monti che fa corona
varda le luci che fa diadema
xe tuta roba de gran valor
xe tuta roba che ciapa el cuor.
Mi no volessi…
E xe bele anche le persone
mi me piasi come le ridi
le xe alegre e col borin
ghe vien fora assai morbin.
Anche i altri co vien (a) Trieste
no i se movi più de un passo
te sa la jota la piasi assai
per no dir dei caramai.
Ma quando torna el sol e tuto xe più bel
brila anche Trieste, brila el nostro ciel
ridi el nostro mar, ridi el nostro cuor
canta anche Trieste insieme a noi!
Macarena, macarena triestina!
Mi no volessi…
E la bora co sufia forte
la sbatocia tute le porte
le cartate la fa svolar
xe ‘ssai bel farse sburtar…
Ma quando torna el sol e tuto xe più bel
brila anche Trieste, brila el nostro ciel
ridi el nostro mar, ridi el nostro cuor
canta anche Trieste insieme a noi!
Parlato: Nono Pirona ne ga dito che , el neonato…
Co 'l xe picio, 'pena nato,
solo 'l dormi e 'l bevi late.
El xe un tenero bombon,
el xe subito paron!
Quel che spica più de tuto
xe 'l fagoto de panuze
perché brave xe 'ste struze
de far litri de pipì.
E co 'l xe pi "pa ra bà pa pà"
e co 'l xe pi "pa ra bà pa pà "
e co 'l xe picio 'pena nato,
solo 'l do "pa ra bà pa pà "
solo 'l do " pa ra bà pa pà "
solo 'l dormi e 'l bevi late,
el xe un te "pa ra bà pa pà "
el xe un te " pa ra bà pa pà "
el xe un tenero bombon,
el xe su " pa ra bà pa pà "
el xe su " pa ra bà pa pà "
el xe subito paron!
Eco alora che vien fora
el gran rito del bagneto,
la familia xe al completo,
tuti quanti vol 'iutar - vol 'iutar.
"Ocio l'aqua che no' scoti!"
"Tienlo ben che no'l te sbrissi!"
"Su ! che l'aqua se sfredissi!"
"Presto ! passime 'l savon!"
"Insavonighe la schena"
"Pian! Atenta! te lo toci!"
"No'l savon vizin dei oci!"
"Tien ben 'verto 'l sugaman!" - 'l sugaman.
E cussì per meza ora
tuti xe mobilitadi,
un tantin anche sudadi,
per poderlo un fia' lavar - un fia' lavar.
Co a la fin el xe bel suto
e de talco profumado
se se acorzi che molado
'l ga de novo la pipì - la pipì.
Mai nissun che se rabiassi!
Se ghe ridi a 'sto birbante!
E cussì, seduta stante,
zo de novo a lavorar - lavorar.
Ritornelo
E co 'l xe pi " pa ra bà pa pà"…….
"Qua se ciacola e fratanto
el muleto ga za fame"
"El ciuceto ,presto, dame!"
"Xe boido el biberon?"
"Missia ben che no' sia gropi!"
"Presto! Su! che 'l xe za in pianti!"
E cussì se vivi avanti
'sta magnifica stagion - 'sta stagion.
E co 'l xe pi "pa ra bà pa pà"
e co 'l xe pi "pa ra bà pa pà"
e co 'l xe picio 'pena nato,
xe cussì "pa ra bà pa pà"
xe cussì "pa ra bà pa pà"
xe cussì ve digo mi !……"pa ra bà pa pà".
Muli, muli volemose ben
Muli, muli volemose ben
no portar le bombolete
no tirar le botigliete
con quel gheto finissi mal
dai, no femo tanto scandal. x 2
Ma che bel che saria
una sana tifoseria
senza stupida violenza
saria mejo se femo senza. x 2
Su no steve lassar ciapar
da quei quatro scalmanai
che i vien solo a far danar
chi come noi xe preocupai. x 2
Dai portemo le bandiere
se trovemo tuti in stadio
se le xe rosse, bianche o nere
che se le vedi anche per radio. x 2
Forza muli, andemo avanti
femo tuti una grande "OLA"
Dai cantemo tuti quanti
che se senti una vose sola. x 2
Muli, muli passeve 'sta bala,
fene veder 'sta magia
noi volemo forti emozioni
…ve regalemo tanta alegria. x 2
Muli, muli volemose ben
pase, pase nele contrade
in 'sto mondo, nel rion
anche nel mondo del balon. x 2
Solo rispeto, niente sburtoni
tanto tifo, tante emozioni
Muli, muli volemose ben
Muli, muli volemose ben!
(Parlato) Dai Caterina, verzi la boca| NO !
Dai Caterina, verzi la boca, cantemo 'na filastroca …
per farte ben magnar! No!
Dai Caterina, te devi far la brava, te devi magnar tuto…
po' te daremo 'l parsuto. NO!
Un - un - un
qua no' xe nissun, qua no' xe nissun che pol magnar per ti.
Do . do - do
col tram numero do, andemo a Opicina…e po' tornemo zò. NO!
Ciamemo i animali, che ga tanta fame, i verzi ben la boca…
e tuto i magnerà. Zum - zum!
Tre - tre -tre
ariva el fio del re, el re dela foresta…el magnerà per tre.
Quatro - quatro - quatro
mi go visto un gato, el ga licà anche 'l piato…e niente xe restà. Zum zum!
El lupo, el orso, el rinoceronte e anche l'ipopotamo…i magnerà con ti. Zum zum!
Zinque - zinque - zinque
eco vien la lince, la magna coi bei oci… un bocon per ti.
Sie - sie - sie
a Barcola col sie, magnemo un bon gelato…con noi vien anche 'l camel . Zum zum!
Dai Caterina,verzi la boca, anche la lumaca…la xe più svelta de ti.
Sete - sete - sete
fazemo la torta a fete, ciamemo anche 'l canguro… el magnerà un bocon. Zum zum.
El lupo, el orso, el rinoceronte e anche l'ipopotamo …i magnerà con ti. Zum zum..
Oto - oto- oto
fazemo un bel fagoto, magnemo parsuto coto… zoghemo col pavon.
Nove - nove . nove
la simia fa le prove, un casco de banane…ela vol paciar. Zum zum.
El lupo, el orso, el rinceronte e anche l'ipopotamo…i magnerà con ti. Zum zum.
Diese - diese - diese
formigole fra le sfese, le xe vignù zercar…le fregole de pan.
Bisogna magnar minestra, bisogna magnar verdura,
bisogna magnar i fruti… perché i fa 'ssai ben.
Dai Caterina, verzi la boca, varda i animali…xe tuti qua per ti.
Fazemo un girotondo con tuti i animali
te vegnerà ben fame…e po' te magnerà.
Cussì finissi la storia, la storia de Caterina
che magna tuta la papa …e diventa 'na brava tata
e diventa 'na brava tata.
Sì - ì -ì - ì ! W Caterina!!!
Xe ‘na muleta picola
che mai no’ vol magnar;
xe ‘na muleta picola
che mai no’ vol zogar,
la disi sempre no ( NO)
no’ disi mai de sì, ( NO)
ela vol solo scriver ben,
vol solo imparar!
Ma no’ se pol ,solo scriver ben
bisogna anche magnar, (NO)
no’ se pol solo leger ben
bisogna anche zogar, (NO)
basta dir de no,
impara a dir de sì (NO)
dai Caterina, dai Caterina,
vien zogar con noi! (NO)
Ma varda xe Tatiana
xe anche Federico,
‘ssai ben te vol Dafne,
te ‘speta anche Micol. (NO)
Ma varda xe Mariana
xe anche Benedeta
‘ssai ben te vol Jessy,
te ‘speta anche Nicol! (NO)
‘Ndemo a caminar, ‘rivemo a Miramar (SI’)
te gavarà ben fame e po’ te magnarà.(SI’)
Alora vien Caterina, vien Caterina
‘ndemo a passegiar ( SI’) 2 volte
vien Caterina, vien Caterina
‘ndemo a Miramar. (SI’)
E adesso?
Xe ‘na muleta picola che ‘desso vol magnar
xe ‘na muleta picola che ‘desso vol zogar,
no’ disi più de no, la disi sempre sì…
dai Caterina, dai Caterina,
vien zogar con noi! (SI’)
Fazemo un girotondo, grande come ‘l mondo
batemo le manine, cantemo ‘na canzon! (SI’)
Bel xe star insieme, disemo poesie
fazemo un bel teatro, te zogarà con noi! (SI’)
Cussì va ben Caterina, sì Caterina
sì, va propio ben!
Sì Caterina, sì Caterina, sì va proprio ben!
Sì Caterina, sì Caterina, la xe qua con noi,
sì Caterina, sì Caterina, la ga dito sì!
Sa mama, de tanto lontan xe rivado Luis. Ah!
No' l disi nissuna parola per farse capir. Ah!
Nove ani, un bel museto, assai alto per l'età,
oci scuri, cavei rizi e la pele…un ciocolatin,
El sta sempre zito in banco, tuto mogio lu' el sta,
no' l lavora, lu' no' l magna, par che gnanca el gabi fià!
(Parlato) E mama ga dito:
- Daghe tempo, picia mia , anche lu' se ambienterà,
per intanto, per intanto te pol dirghe " Vien zogar "
E vien zogar, e vien Luis, e vien zogar con noi
faremo un girotondo più bel, più grande del mondo;
su vien zogar, su vien Luis, su vien zogar con noi
faremo una corsa, ciogheremo anche 'l balon.
Luis, Luis, Luis, Luis,
de dove ti te vien? - L'America Central ?!
Lassar Santo Domingo xe stado un gran dolor,
te sogni andar a pesca? Vien a Barcola con noi.
E vien magnar, e vien Luis, e vien magnar con noi
qua no ghe xe tapiòca, te daremo un fià de jota.
Su vien magnar, su vien Luis, su vien magnar con noi
ciol 'na porzion de schinco, sicuremo ch'el xe bon.
- Sa mama che 'desso Luis ga imparado a parlar? Ah!
- El xe diventado birbante, el se fa anche criar? Ah!
(Parlato) "E mama ga dito"
- Ma chissà come 'l ga fato cussì presto a imparar?
El sa quasi el dialeto forsi prima che l'italian!
Devo dirte , mama mia che lu' ama i Pokemon,
el ga un paco cussì grosso, el fa scambio, là con noi.
Lu' ne insegna anche 'l spagnol, el xe cocolo per bon
ma che bel far amicizia, el xe propio un picio bon.
Luis, Luis, Luis, Luis, te son rivado qua…
e qua te resterà …(1- 2- 3 ) con no-o-o-o-oi! Con noi!
