solo ascolto

con il testo

leggi testo canzone

 Te son tornà, te son tornà de mi

no me par vero e adesso zigo sì!

Mi zigo urà, chè te son qua.

Senza de ti no iero niente, sa !

Vizin de ti mi toco sempre ‘l ciel

propio cussì e xe ‘ssai bel!

Xe tanta luce, co te ‘rivi ti

scaie de luce, che te impizi ti

in fondo ai oci mi me specerò 

dolci parole mi te dirò.

Me go sognà, me go sognà de ti

ma no te ieri mai vizin de mi

go pianto sa , te go spetà.

Xe tanta luce co te ‘rivi ti

scaie de luce, che te impizzi ti

in fondo ai oci mi me specerò

dolci parole mi te dirò.

Ierimo muli, el tempo xe passà

no conta niente se adesso semo qua

la vita insieme ne premia zà

la vita insieme   ne   premia   zà.

solo ascolto

con il testo

E l’amor se sa xe una canzon pel cuor

che inebria e fa sempre sognar

omo e dona de ogni età no vol propio rinunziar.

Anche se, se pol sofrir de amor

tuti vol almen provar.

”No, no pol tocarme propio a mi

questo amor me fa gioir.”

Però xe una magia che no vol sentir bugia

el rispeto sì ghe vol, no se pol zogar col cuor.

Tuti vol trovar l’eterno amor, se sa

xe un bisogno de ogni cuor;

la riceta no, nissun la ga

la diventa rarità.

Sogna ancora amor, te sveierò doman

mi te go sognà, te son ‘rivà

ti te son tuto per mi

e mi amo solo ti.

Però xe una magia che no vol sentir bugia

el rispeto si ghe vol, no se pol zogar col cuor.

Solo el grande amor no finirà

anche se cambia l’età

se l’intesa xe, se poderà tuto questo realizar.

Perché xe una magia che no vol sentir bugia

el rispeto sì ghe vol, no se pol zogar col cuor,

el rispeto sì ghe vol, no se pol zogar col cuor

solo ascolto

con il testo

Ma cossa xe ancora de più bel

de far 'na caminada su pel Carso
de andar a respirar l'aria bona
andar (a) magnar un panin de bon persuto!?

Per questo co mi posso vado là
perché no' posso star senza 'l mio Carso
inveze là mi posso anche zogar
tra la realtà e la fantasia, oh oh!
 
E le foie del Carso le xe come farfale
che le svola ne l' aria con la mia fantasia
e le foie del Carso le xe come le vele
che le fila sul mar dela mia fantasia…

Quele foie più rosse, le xe come un bel fogo
che l'impiza el mio cuor, l'impinissi de amor,
con quel poco de verde sparpaliado pel Carso
e la piera più bianca, i fa là el tricolor, per la gioia del cuor.

E mi vado pei trosi a respirar aria bona
lasso el smog in cità , sora tuto i rumori, sora tuto i rumori.
Ma che bela la pase che se godi lassù
la val tanti denari, tanti euro de più,
la val tanti denari, tanti euro de più.

Co vado per le alte, me sento quasi in ciel
le foie che le "scriciola" le canta 'na canzon…
e le foie del Carso, le xe come farfale 
che le svola ne l'aria con la mia fantasia
e le foie del Carso le xe come le vele
che le fila sul mar de la mia fantasia.

Me piasi Trieste , el golfo, el suo mar
ma in Carso mi trovo qualcossa de più:
el color del somaco che me dà gioia al cuor
el val tanti denari, tanti euro de più,

el val tanti denari, tanti euro de più. 

solo ascolto

con il testo

Se te vien de mi , te troverà tuto per ti
el grande fiore de l’amor che xe sbocià dentro ‘l mio cuor.

Ma no stame dir lusinghe che me fa sofrir!
La lontananza, za se sa la pesa ‘ssai sui ‘namorai.

Se mi son triste, te sa, vado sul molo per vardar…
vedo d’argento i cocai che i svola su, lassù nel ciel…

Vedo i tui oci nel blu e tuto xe un fià più bel,
parlo a le onde del mar…le ga capì el mio amor.

Ma semo lontan, no posso star senza de ti
el sol no brila più perché, xe la tristezza dentro mi.

Se te vegnerà, el tuo soriso me ripagherà
tuta la gioia tornerà e anche ‘l sol el splenderà.

Tuti i fiori del prà li ‘ngrumerò solo per ti
tute le stele del ciel le lusirà anche per noi.

Mi no credevo te sa, ma me go propio inamorà.
Là nel profondo del cuor te capirà la verità.

Se te vien de mi , te troverà tuto per ti
el grande fiore de l’amor che xe sbocià dentro ‘l mio cuor.

Se te capirà, el cuor sicuro el zigherà
forte, più forte che ‘l pol

felicità, felicità!

solo ascolto

con il testo

Luna, ma che bela stasera
col vestito d'argento, ti te brili per mi;
dighe al mio amor, son sincera
nel segreto del cuore, dentro el sta solo lu'…

me xe vignù de dirghe tante robe, tante dolci parole
e mi te prego, Luna, porta i mii basi a lu'|

Anche se te son freda, ti te me scaldi 'l cuor
o postina del ciel, o postina dei cuori inamorai.

Luna, co te giri sul mondo 
col vestito d'argento, ti te porti l'amor;
Luna, grande amica del cielo 
ti te ilumini 'l mondo quando scuro xe 'l cuor

indiferente, Luna, ti no te xe restà, te se ga dà de far
e con la tua magìa, ti te ghe ga parlà.

Anche se te son freda, ti te me scaldi 'l cuor
o postina del ciel, o postina dei cuori inamorai.

Te ringrazio, Luna, messagera del cielo
col vestito d'argento ti te me ga iutà
forsi perché mi iero sola
ma te vedi 'l mio amore 'desso 'l xe ritornà

iero sola, iero sola,ma 'spetavo lu'
perché de mi el saria 'rivà
mi go 'spetà con ansia e a la fin el xe vignù!

solo ascolto

con il testo

Andemo su a San Giusto, amor
 andemo a passeggiar
tra quele piere antiche là
podemo rinovar
el nostro antico amor, te sa 
più linfa el troverà
dai muri dei bastioni
dai muri del castel.

Te se ricordi ancora
in alto del torion
i cuori che bateva
insieme el campanon,

'Ndemo su, 'ndemo su, là sul Cole de San Giusto
'ndemo su, 'ndemo su, su quel cole tanto amà
perché là, perché là se gavemo inamorà
perché là, perché là tanto bel per noi xe sta.

El nostro antico amor, te sa
el ga trovado el gel
de quel inverno rigido
ma 'l xe 'rivà fin qua;
ai poveri useleti che iera sfredolidi
dal Ponte Levatoio se ghe butava 'l pan.

El campanon ociava 
de l'alto del torion,
le copie se basava là soto del melon.

'Ndemo su, 'ndemo su, là sul Cole de San Giusto
'ndemo su, 'ndemo su, su quel cole tanto amà,
perché là, perché là, se gavemo inamorà
perché là, perché là, tanto bel per noi xe sta.

El cuor de Trieste el palpità lassù
e anche i nostri cuori i palpita con lu'!